Antzerki musikala izango da Astigarragako kultur etxean, datorren igandean. Arratsaldeko 17:00etan hasita, Alizia lurralde miresgarrian antzezlana eskainiko dute; Lewis Carrollen ipuinaren moldaketa bat, haurrentzako antzerkirako prestatua.
3-9 urte bitarteko haurrei zuzenduta dago saioa, eta kantu, dantza eta antzerki bidez, ikastearen edertasunaz eta beharraz ariko dira.
Sarrerak salgai, intereneten
Antzezlana ikusteko sarrerak, dagoeneko jarri dituzte salgai interneten, ostiralera arte: www.astigarraga.eus web orrian, Gomendatzeko modukoak ataleko Sarrerak erosi estekan. 2,5 euro dira.
Bestela, egunean bertan ere izango da aukera, kultur etxean, saioa hasi baino ordubete lehenago.