Hernaniko Kaxko Elkarteak biltzarra edo foroa antolatu nahi du martxorako ‘atseden eskubidea eta gaueko aisialdiaren gozamenaren’ inguruan eztabaidatzeko. Bertan, gaueko aisialdiak sortzen dituen arazoei, ahal den moduan, soluzioak eman eta arazoak murrizteko.
«Gaueko jende aglomerazioek, Hernanin, soinuak, ekintza bandalikoak, erasoak eta bizilagunen atseden eskubidea ez errespetatzea ekartzen dute» diote Kaxko Elkartetik.
Martxoan antolatu nahi da biltzarra eta horretarako laguntza behar dute ideien aportazioarekin. Instituzio desberdinak ere gonbidatuko dituzte; arazo antzekoak dituzten udalak, Foru Aldundia eta Eusko Jaurlaritza, Arartekoa, Hernaniko Udala... baita alderdi politiko, bizilagun, tabernari eta ideiak ekartzen dituen oro. kaxkoelkartea.eus web orrian jarri daitezke kontaktuan.