Abenduaren 9an Parisen egingo den manifestaziora joateko deia luzatu zuten Bakegileak (Bakearen Artisauak, Bagoaz eta Sare) ekimen berriak, duela astebete. Denak Pariserat lelopean antolatu da euskal presoen egoeraren hobekuntza aldarrikatzeko asmoz eta martxaren elkartasun afaria larunbatean ospatuko da Hernanin, Kiroldegiko frontoian, 21:00etatik aurrera.
Afarirako tiketak salgai daude 20 euroan Rioja, Deportibo, Txili eta Garinen eta etzi, ostegunean, da erosteko azken eguna. Menua ondorengoa da: Zizka-mizkak, marmitakoa, Adarragako postrea, kafea eta likoreak.