Urtero Mendiriz Mendik antolatzen duen Mendizale Astea atzo hasi zen Biterin Nagore Legarreta eta Aritz Arrondoren Nepal-India hitzaldiarekin. Astean zehar jarraituko du eta gaur Aranzadi Zientzia Elkartearen La Isla Pirineos-L’Ille Pirénées Pyrenaica igelari buruzko dokumentala dago. Euskal Herrian lehen aldiz emango dena! Pirinioetako relikia.
Bihar, Ander Olaizolaren Esentzia, bere bigarren liburuaren aurkezpena egingo da. Bertan, Euskal Herrian zehar, bost urtez egin duen bidaia erakusten du. Bertako txoko eta animaliak erretratatuz.
Ostegunean, Agustin Apaolazaren Annapurna 2014 proiektatuko da. Xabier Errorekin egindako trekkinga ikusiko da.
Ostiralean, umeen tartea
Ostiralean umeen tartea izango da. 18:00etan hasita, gaztetxoen irteeretako argazki bilduma berezia ikusi eta dominak banatuko dira. Segidan, XXXVIII. Argazki Digitalen Lehiaketako argazkiak ikusi eta sariak banatuko dira. Proiekzio guztiak, 19:30etan izango dira, Biterin Kultur Etxean.