Iritsi da Gipuzkoako korrikalariek hainbeste maite duten lasterketetako bat. Gaur izango da Behobia-Donostia txapelketa garrantzitsua, Behobiatik abiatuko dira 35.000 partehartzaileak eta Donostiako Bulebarreraino iristea izango dute helburu. Horretarako, Irungo auzotik abiatuko dira, pixkanaka: 09:45etan abiatuko dira gurpildun aulkietan dijoazenak, 09:50etan patinatzaileak, eta 10:15etatik aurrera, korrikalariak, txandaka.
Goizeko 09:45etan abiatuko dira Behobiatik gurpildun aulkietan dijoazenak, 09:50etan patinatzaileak, eta 10:15etan korrikalariak, txandaka.
172 hernaniar, aurten
Eta bertan, urtero bezala, hernaniarrik ez da faltako. Aurten, 172 herritar ausartek eman dute izena. Horiez gain, Hernaniko lau patinatzailek ere korrituko dute; horiek dira, hain zuzen, Jon Casas, Peio Aramendi, Sindy Santiago eta Garikoitz Astarbe.
Taldeko argazkia egiteko deia, abiatu baino lehen
Hain zuzen, horiek guztiak daude gonbidatuta gaur goizean, 07:50etan, Atletismoko pistan egin den zitara gerturatzera, hernaniar partehartzaileen taldeko argazkia ateratzeko.
Ondoren, hamar minutu beranduago, 08:00etan, abiatuko da bertatatik, hernaniarrek Behobiara joateko antolatu duten autobusa.