bigarrenez, Astigarragako udaletxea Memoriaren Egunaren ospakizunera atxikitu zen atzo; pasa den urtean Jaurlaritzaren gonbidapena jaso, eta aurten ere azaroaren 10a biktima guztien oroimenerako eguna izatea nahi izan du.
Horrenbestez, biktima guztiei egiten zaien bezala, omenaldi gisa Astigarragako bandera haga-erdian egon zen atzo egun osoan zehar. Eta, bestalde, Foru plazako arkupetan kontzentrazioa egin zen eta biktimen familiei lore eskaintza egin zitzaien.
Astigarragan, lau biktima
Gure herrian lau biktimaren izenak jaso dira: 1978an poliziak Joseba Barandiaran hil zuen; 1979an GAEk eta BVEk Tomas Alba; 1984an Bixente Perurena GALek; eta 1985ean Agustin Irazustabarrena GALek.