Urriarekin batera, Goizuetako Udalak argitaratu du Goizueta Informatzen aldizkariaren 7garren alea. Hainbat gai lantzen dituzte bertan, tartean, abuztuko fiesten aurrekoantua aurkezten du Udalak, eta horiei buruzko inkestatxoa betetzeko gonbidapena egiten diete herritarrei. Bihar arte dago aukera galderei erantzuteko.
Iaz baino gastu baxuagoa
Aldizkarian jakinarazten duten moduan, aurtengo fiesten gastua, denera 31.572,84 eurokoa izan da, iazkoa baino zertxobait baxuagoa (iaz 34.952,98 eurokoa izan baitzen). Diru kopuru altuena Igandea txarangaren kontratazioan (6.100 euro) eta zezenetan gastatu da (4.996,84 euro).
Garbigunea irekiko dute San Antonen.
Beste hainbat gai
Ez da, ordea, aldizkariak jorratzen duen gai bakarra. Basahuntz Ehiza Elkartearen eta Udalaren arteko hitzarmena ere aipatzen da, 2021garren urtera arte sinatu dutena. Baita ere azaltzen dute bi kurba hobetu dituztela NA4150 errepidean, eta burugorriko pista moldatu dutela. Iberoko dorrearen obra zergatik gelditu duten azaldu dute.
Garbigunea, San Antonen
Azkenik, iragarri dute Garbigunea jarriko dutela San Antonen, depuradoraren barruan. Horretarako, hainbat obra-lan eginen dituzte, lehenago; laster eginen da esleipena.