Goxo eta bero helduko diote aranoarrek, neguaren etorrerari. Gaur da San Martin eguna eta egutegian ezin hobeto dago kokatuta ekitaldiak egun berean antolatzeko. Aranon egun garrantzitsua izanen da eta goizetik iluntzera ospatuko da.
Udalak antolatu du egitaraua jendea goiz goizetik mugiarazteko. Eguna hitzaldi interesgarri batekin hasiko da. 09:45etan Iñaki Garijo Ibargoitia zahori eta idazlea hizlari lanetan ariko da Maisuenean La magia de las piedras hitzaldia eskaintzen. Jarraian, ohiko mendi bueltarako jarri dute zita. Aurten jentilbaratza bisitatuko dute.
Magia ikuskizuna eta talo eta gaztain jatea arratsaldean
Arratsaldea magia ikuskizun batekin hasiko da. Herriko Unai Mago gaztetxoak 18:30etan aranoarrak harri eta zur utzi nahi ditu.
Eta eguna bukatzeko, tripa betetzeko eta berotzeko ere izanen dute parada: taloak egin eta gaztainak erreko dituzte, eta bietaz gozatzeko aukera izanen dute bertaratzen diren guztiek, iluntzeko 20:00etatik aurrera.