Laugarren urtez jarraian, Kafe Tertulia egitasmoa jarriko du martxan Udal Euskaltegiak datorren asteazkenean. Aurten, gainera, aldaketa txiki batekin dator: aurreko urtetan astean behin zena, hilean behin egitera igaroko da. Beti bezala, Gunea garagardotegian izango dira, 17:00etatik 18:30etara.
Bertan, Euskaltegiak adierazi duenez, «hiru edo lau pertsona mahai baten bueltan eseri, kafe bat-edo eskatu eta goxo-goxo euskaraz aritzeko aukera izango da».
Herriko aukerak zabaltzeko egitasmoa
Kafe Tertuliarekin, herriko eskaintza zabaltzea da Hernaniko Udal Euskaltegiaren asmoa: «nahi duenak ahalik eta aukera gehien izan dezan euskaraz aritzeko: lotsak alde batera utzi eta konfiantzazko giro informal batean praktikatzeko».