Badira 20 urte, Maider Zabalegi eta Alaitz Telletxeak bikote arrakastatsua osatu zutenetik, eta orain, bakarkako ibilbidea abiarazi berri du Maiderrek. Zuei diska argitaratu zuen maiatzean, eta ostegunean aurkeztuko du Hernanin. Biterin eskainiko du kontzertua, iluntzeko 20:00etatik aurrrera.
Bere doinuez gozatu nahi duenak, dagoeneko erosi ditzake sarrerak, Biteriko harreran bertan, 7 euroan.
Dena den, Kronikak beste aukera bat ere eskainiko du: hiru sarrera bikoitz zozketatuko dira, irakurleen artean.
Parte hartzeko aukera, irekia
Sarrera bikoitz bat Dobera-Kronikako bazkideen artean banatuko da, eta beste biak eskuratzeko, parte hartzea irekia izango da.
Horretarako, webgunean, albiste honen azpian, iruzkina jarri beharko da, edo bestela, paperezko alean dagoen papertsoa moztu eta Kronikara ekarri beharko da.
Etzi, asteazkenean, egingo da zozketa, 20:00etan.