Arerio zailenatakoa bisitatuko dute Hernaniko mutilek bihar. Arratsaldeko 16:30etatik aurrera daukate zita Valladoliden Pepe Rojo zelaian.
Bertan bere zain egongo da El Salvador, Ohorezko Mailako ligan lider dagoena; eta beraz, momentu honetan trikoloreek izan dezaketen kontrario zailenetakoa. Irabaztea, beraz, oso zaila izango dute, eta hori lortzea, sorpresa erraldoia izango litzateke, liga nola dagoen kontuan hartuta.
Hori ikusita, Hernani erasoko bonusaren bila aterako dela aurreikusi daiteke.
Duela bi urteko irabazlea
Talde indartsua izango dute aurrez aurre trikoloreek, izan ere, El Salvadorrek selekzioko jokalari asko dauzka, Ligako txapelduna izan zen duela bi urte eta gainera, aurtengoa irabazteko faboritoena da.
Hernanik, jokaera antzekoa kanpoan
Hernaniri dagokionez, partidu garrantzitsu bat irabaztetik dator, eta litekeena da denboraldi honetan metodologia berbera baliatzea: kanpoan jokatzen duenean, ordezkoak atera izan ditu Polidori entrenatzaileak, eta bigarren zatirako utzi izan ditu titularrak.