Xaguxarrek antolatuta, aurten ere Negulekuak jarriko dira martxan Gabonetako oporraldian, ondo pasatzeko aukerarik falta ez dadin gazteentzat.
Izenemate epea atzo ireki zuten, eta hil honen 14ra arte egongo da irekita.
6 eta 13 urte bitartekoentzat
Negulekuak goizetan izango dira, abenduaren 26an hasi eta urtarrilaren 5era arteko aste egunetan. Goizeko 10:00etatik 13:00etara arteko tartea izango da egunero, jolaserako, 2004 eta 2012 urteen artean jaiotakoentzat.
Hala ere, zaintza zerbitzua jarriko da aukeran, hala nahi dutenentzat, 08:00etan hasita.
Izena, Xaguxarren
Azaroaren 14ra arte eman daiteke izena kultur etxean, 943 33 50 64 telefonoan (goizez) edo info@xaguxar.org helbidean.
Prezioa 40 eurokoa da; 20 eurokoa, zaintza zerbitzuaren kasuan. Baina familientzat prezio bereziak izango dira.