Aldaketarik ez dute izango pelotari hernaniarrek, datorren denboraldira begira, Gipuzkoako Txapelketako nagusien kategorian. Maila berean jarraituko dute, asteburuan aritu diren bi bikoteek.
Paul Ojuelek eta Markel Lizeagak, erraz lortu zuten garaipena, Zazpi Iturriren kontra, mailari eusteko partiduan (22-7); eta beraz, ohorezko mailan ariko dira datorren denboraldian ere.
Iñigo Urkizuk eta Iñigo Labakak, aldiz, ohorezko maila horretara igoera zeukaten jokoan asteburuan, baina galdu egin zuten semifinala, Alegian, Intxurreko bikotearen kontra (10-22). Hori horrela, igoerarik eta finalik gabe geratu dira.
Edozein kasutan, txapelketa bikaina egin dute: mailari eustea zuten helburu, eta igoera lortzekotan izan dira.