Zubipen galdu gabe jarraitzen du Hernanik, Ohorezko Erregional mailan. Mutriku hartu zuten menpean txuri-berdeek atzo (3-0); denboraldiko laugarren garaipena, eta hirugarrena zaleen aurrean.
Euria izan zuten lagun, eta hain justu, zaparradekin batera iritsi ziren golak: aurreneko euri tantak erori bezala, estreinakoa egin zuen Bittorrek, erdiraketa bat ondo errematatuta, korner batekin hasi eta kontrarioa mareatu zuten jokaldi batean. Hortik aurrera, beste bi gol ere egin zituzten, garaipena etxean geratzeko.
Segidan jokatu zuten jubenilek ere, Zubipen; baina gehiago izan zen Bilboko Athletic, eta 0-4 galdu zuten.
Gaurkoan, berriz, Euskal Ligako taldearen txanda izango da. Eguerdiko 12:35etan hasita, Oiartzun hartuko dute Zubipen, hiru garaipeneko bolada onari segida emateko.
Euri zaparradekin iritsi ziren golak ere!
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!