Galarreta Jai Alai eta erremontea, gune turistiko bezala eskainia

Gero eta aukera gehiago es­kaintzen dizkio Gipuzkoak ber­­­tara etortzen diren turis­tei, eta horietan, azkeneko au­­keretako bat, Galarreta Jai Alai frontoiak osatutako pro­posamena da. Izan erremon­tista egun batez izenburu­pe­an, ordubeteko bisita gidatua da, eta erremonteko parti­du­ak ikusteko aukera dago.

Frontoiaren zehaztasunak, hasteko
Bost ataletan zatitzen da bi­si­ta. Aurrenekoan, Gala­rreta Jai Alairen eta erremon­tea­ren his­toria eta zehaztasun oro­ko­rrak ezagutzeko aukera iza­ten da, Xabi Gonzalez Ga­la­rretako kudeatzailearen es­ku­tik. 
Gaiaren oinarriak jarrita, kan­txa izango da topagunea. Ber­tan Endika Barrenetxeak hartzen dio lekukoa Xabi Gon­zalezi: bere burua aur­keztu, eta bere kirol prezia­tua­ren inguruko azalpenak, be­re esku geratzen dira. Au­rrena, pelotak nola diren eta nola egiten diren azaltzen du; ondoren, gauza bera egi­ten du zestarekin. Material guztia ukitzeko aukera luzatzen du, egun erabiltzen duen zesta izan ezik: «horretan, inork ezin du eskua sartu!».

San Sebastian Region turismo bulegoan egin daiteke erreserba.

Bisitarien ausardia, erremontean trebatzen
Frontoia behatu, pelotak az­ter­tu, zestan eskua sartu.... eta dagoeneko prest daude­nean, erremontean aritzeko erronka egiten die Barrene­txeak gerturatzen direnei, Ga­larretan sartu eta orduer­dira, gutxi gorabehera. Ba­tzuk trebeago, beste batzuk gu­txiago... baina denek izan­go dute aukera euskal tra­dizioan hain errotuta dagoen kirolaz gozatzeko!
Aurreneko hiru zati hauek egiterako, dagoeneko arra­tsal­­deko 16:00ak izango dira, orduan, aprobetxatzen dute turistei apostuen sistema es­plikatzeko: «frontoi honetan po­­sible da apostu txikiak egi­tea 2 euroren truke, horre­ta­rako espreski jartzen den mos­­tradorean», diote Gala­rre­­ta Jai Alaiko anto­latza­ileek.

Partiduak ikusteko aukera, baita ere
Bisitaren azkeneko zatia, or­dea, aukerakoa izango da. Os­tegun eta larunbatero arra­tsaldeko 16:00etan hasten di­ra ohiko partiduak, eta ho­ri­ek ikusteko eta erre­montea ger­tutik bizitzeko aukera izango dute bisitariek, buka­tzeko. Baita beren apostuak egiteko ere! 

Erreserbak, astebete lehenago
Erreserbak San Sebastian Re­gi­on turismo bulegoan ber­tan, haren webgunean, www.­­san­se­bastian­regi­on.­com, edo 943 551 023 telefonoan egin ahal izango dira. Dena den, Gala­rreta Jai Alaien bertan ere bi­sita pertsonalizatuak eskatze­ko aukera dago: gala­rreta-jaia­lai.com.