Beste bi meza gaur, hildakoak gogoratuz

Hilerrian zein elizetan, hil­dakoak gogoan izan zituzten atzo, herritarrek, bisitan joan eta lore sortak eskainita.
Eta atzo bezala gaur ere, gogoan izango dituzte Hil­da­koen edo Arimen Egunean. Bi meza eskainiko dizkiete gaur­koan. Goizeko 09:00etan egin­go dute aurrenekoa, Agusti­ne­tan; eta arratsaldeko 19:00etan bigarrena, San Joan Bataiatzai­learen parroki elizan.
Urtero bezala, ugariak izan ziren joan-etorriak, Hernaniko kanposantura. Tamaina eta kolore guztietako lore sortak eskuan hartuta bertaratu ziren asko, hildako senide eta lagu­nei bisita egitera.