Saio potentea Irunen gaur, Unai Agirrek eta Maialen Lujanbiok

Puri-purian dago Bertsolari Txapelketa Nagusia, dagoe­ne­ko. Joan den larunbatean izan zen semifinaletako aurreneko saioa, eta gaur dute bigarrena, saio berezia. Izan ere, bertan ariko dira, txapelketako bi bertsolari hernaniarrak: Unai Agirre eta Maialen Lujanbio.
Arratsaldeko 17:00etan ha­si­ko da, Artaleku kiroldegian, eta maila haundiko saioa es­pe­­ro da: Aitor Sarriegi, Lujan­bio bezala 2013an finalista izanda­koa; Alaia Martin, final laur­denetan puntu gehien lor­tu zituena; Maddalen Arza­llus, eta Aimar Karrika.

Sarrerarik gelditzen bada, 15:00etatik aurrera salgai
Saioa ikusteko sarrerak, inter­net bidez eskuratu ahal izan dira. Sarrerarik gelditzen ba­da, kiroldegiko ta­ki­llan ja­rri­ko di­tuz­te salgai gaur, 15:00etan. 15 euro dira, gazteentzat 8 euro.
Baina gaurkoa ez dute saio bakarra izango herna­nia­rrek, finalera sail­katzeko, bi itzuli­ta­ra jokatuko baitira se­mi­­fi­na­lak. Aurrenekoan puntu gu­txi­en lor­tzen dituzten sei ber­tso­la­riak, kanpoan geldi­tu­ko dira; eta gainerakoei, bi sa­io­e­tako puntuak batuko zaiz­kie. Zazpi onenak, final haundira.
Joan den larunbatean, Agin Laburuk kantatu zuen aurre­neko finalaurrekoan, eta ondo aritu zen. Finalera sailkatzeko aukerak mantentzen ditu asti­gartarrak, bigarrenerako.