ASVIAMIE amiantoaren biktimen euskal elkarteak, jakinarazi du ezintasun absolutua eskatu duela Pedro Orbegozo-Acenor enpresako langile ohi batek, amiantoak eragindako gaixotasun profesionala daukala aldarrikatu du; biriketako adenokartzinoma dauka.
Ostegun honetan egingo dute epaiketa, Donostiako epaitegian, goizeko 09:30etan. Eta ASVIAMIEk, kontzentrazioa egingo du ordu erdi lehenago, 09:00etan, epaitegiaren aurrean. Langileari babesa erakutsi nahi diote, eta salatu amiantoagatiko heriotza eta gaixotasunen izurritea. Langilearen lankide eta lagunak animatu dituzte, kontzentraziora bertaratzera.
Ostegunean dauka epaiketa, Donostian, eta kontzentrazioa egingo du ASVIAMIEk, epaitegiaren aurrean.
Mantenimendu siderurgikoko elektrizista izan zen aipatutako langilea, 1966tik 1993ra, Pedro Orbegozo-Acenor enpresan. Eta bere lanak, amiantoaren manipulazioa eta esposizioa eskatzen zion, kable elektriko guztiak zeudelako amiantoarekin forratuta. Hortaz, konponketak egitean, amiantoa kendu eta berriro jarri behar izaten zuen.
Amiantoarekin lan egin zuten guztiei deia, osasun azterketa egiteko
Kasu honen harira, ASVIAMIEk beste behin luzatu die deia, amiantoarekin lanean aritu ziren guztiei, eskatzeko amiantoarekin lana egin ondorengo Osasun Zaintza Planean, gaixotasun profesionalak garaiz detektatu eta errekonozitzeko.