Krosarekin eman zioten hasiera atzo, Txantxillako festetako bigarren egunari; Santa Barbara igo eta jaitsi azkarren egin zuten, hurrenez hurren, Haritz Zubillagak, Iñigo Gurrutxagak eta Gorka Lopez de Arregik, eta nesketan Mara Olazabalek, Ainhitze Kalonjek eta Ainhoa Arrutik. Jeannette Juan Dominguezek omenaldia jaso zuen gero, Axalaenean beti ateak zabalik eta laguntzeko prest agertu izanagatik, eta arima hori kalejiran auzora zabalduz bukatu zuten arratsaldean.