Bazkaritan bilduko dira gaur odol emaileak Oriako ordezkaritzak deituta. Eguerdiko 13:15etan Urnietako Oianumen elkartuko dira, eta 13:30etan dominak jasota, 14:30etan bazkaldu egingo dute.
Hainbat herritako odol-emaileak omenduko dituzte, eta tartean, hernaniarrak: 22, guztira. Era berean, aurreko igandean Donostialdeko Odol Emaileen bazkaritara deitu zituzten Susana Aurkia, Fran Rivero eta Alfredo Ruiz astigartarrak.
22 hernaniarrek, 25 estrakzio baino gehiago
Hernaniarren artean, 25 aldiz baino gehiagotan odola eman dutenak dira Jose Luis Ansorena, Garbiñe Zabala, Dolores Nuñez, Vanesa Garcia, Juantxo Lujanbio, Mikel Elizalde, Maria Gutierrez, Enrique Varona, Aritz Illarramendi, eta Urtzi Irazusta.
40 estrakziotik gora egiteagatik dominak jasoko dituztenak, berriz, izango dira Conchi Ormazabal eta Miren Elixabete Egizabal, eta 50etik gora egindakoak, Jose Luis Loinaz, Carlos Hernandorena, Manolo Portillo, Jose Andres Iturralde, Emilio Caballero eta Jose Angel Navarro.
Azkenik, 60 estrakzio baino gehiago egindakoa da Rosa Maria Lopez, eta 75etik gora egiteagatik eskerrak emango zaizkie Jose Antonio Sorondo, Javier Pastor, Jose Luis Michelena eta Maximo Valladolidi.