Hernaniko Palistek lan gehiago edukiko dute gaurtik aurrera; gaur bertan hasiko baita Emakumea Pilotari Txapelketa.
Aurreneko partiduak Astigarragan jokatuko dira, gaur bertan hasita. Arratsaldeko 16:00etatin aurrera, bost partidu jokatuko dira; bi aurreneko mailakoak, eta beste hiru, bigarren mailakoak. Batean eta bestean izango dira hernaniarrak.
Bost partidu, txapelketari hasiera emateko
Guztira, gaurkoan bost partidu jokatuko dira, eta horietatik hirutan ariko dira hernaniarrak: aurreneko mailan, Irazustabarrenak Muruarekin jokatuko du, Garmendia eta Arrillagaren kontra; eta bigarren mailan, batetik, Irigoien ariko da Olanorekin, Rodas-Beldarrainen aurka, eta Tejedor Mungiarekin, Etxegia eta Lopetegiren aurka.
Beste bi partiduak ondorengoak izango dira: aurreneko mailan, Otaegi-Erasun, Larrate-Maizaren aurka; eta bigarren mailan, Ontsalo-Lasarte, Galarreta-Agirreren kontra.
Abendura arte
Lehia abenduan bukatuko da; finalerdiak Hernanin izango dira, abenduaren 2an, eta finala, berriz, Tolosan, abenduaren 16an.