Martxan da, dagoeneko, kale arte sorkuntzaren 2017ko deialdia, eta Udalak datorren astean onartuko ditu diru-laguntzak arautzeko oinarriak.
Halaxe jakitera eman zuen atzo Koro Etxeberria kulturako zinegotziak; diru-laguntza 10.000 eurokoa izango da eta proiektu bakoitzeko, gehienez, 6.000 eurokoa. Egitasmoaren helburu nagusia sortzaileak eta artistak bultzatzea denez, horien lana aurrekontuaren %10arekin baloratuko da.
Pasa den urteko irabazleak
Era berean, 2016ko irabazleen aurkezpena ere egin zen atzo. Hortaz, Ainara Azpiazuk mural bat egingo du Tilosetako frontiseko atzeko paretan, eta Airor Ruiz de Eginok, berriz, Atarrabiyo eta Ave Maria parkeetan jartzeko eskultura bana.