GOIZUETAKO Udazken Kulturalak ez du etenik, eta asteburu honetan ere, ez da mugimendurik faltako. Hiru ekitaldi nagusi antolatu dira gaurko eta biharko. San Martin eguna beti izaten da berezia.
Protagonismoa batez ere musikak izanen du, batez ere gaur. Hasteko Mikel Lasarterekin, Umore Ona dantza taldearen eskutik, Plaza dantzak eginen dira, 11:00etatik 13:00etara. Goiza pasatzeko plan ederra. Gauean berriz, Patxuko Nice taldearen kontzertua antolatu du Gazte Asanbladak, gaztetxean, 23:00etatik aurrera.
Bihar erreleboa gaztetxoagoek hartuko dute. Horrela, arratsaldeko 17:00etan, Pello Añorgak ipuinak kontatuko dizkie goizuetarrei udaletxeko ganbaran.
Datorren ostiralean egin beharreko antzezlanari dagokionez, berriz, Zera... Nola esango dizut, bada? izenekoa, atzeratu egin da eta oraindik ez dago datarik. Ganbaran Teresa Lopez de Munain eta Garazi Olaizolak antzeztu beharrekoa da. Jakinaraziko da, data berria.
Jubilatuen Egunean giro eta umore ona
Pasa den asteburuan txokolatada eta jokoak izan ziren eta Jubilatuen Eguna bi egunetan zehar luzatu zen giro ederrean. Truk eta mus txapelketak izan ziren Umore Ona Elkartean. Eta igandean Meza Nagusia, pilota partiduak eta bazkaria.
AZARO KULTURALA
GAUR
AZAROAK 11, larunbata
Plaza dantzak, Mikel Lasarterekin, Umore Ona dantza taldearen eskutik. 11:00etatik 13:00etara.
Patxuko Nice taldearen kontzertua, 23:00etan gaztetxean, Gazte Asanbladaren eskutik.
BIHAR
AZAROAK 12, igandea
Pello Añorga ipuin kontalaria, 17:00etan udaletxeko Ganbaran.
AZAROAK 18, larunbata
‘Katarrapikaka!’ lehiaketa.
AZAROAK 24, ostirala
Artantxuriketan, 18:30etan eskolako jangelan.
AZAROAK 25, larunbata
Feri eguna.
ABENDUAK 2, larunbata
‘Errefuxiatuak’ hitzaldia, Luzia Etxeberria Nafarroako Brigada taldeko kidearen eskutik. 11:00etan, ganbaran.
ABENDUAK 3
Harria. Maitasun Istorioa. Iñaki Perurena. Kontakizuna eta erakustaldia. Eskolako jangelan, arratsaldeko 18:00etan.
ABENDUAK 16
Turroi eta mazapan ikastaroa, Eskolako jangelan, goizeko 10:00etatik 13:00etara.
EGUNIK GABE
‘Zera... Nola esango dizut, bada?’ antzezlana, 18:30etan udaletxeko Ganbaran. Teresa L. de Munain eta Garazi Olaizola.