Puntu baliotsua eskuratu zuten Mundarroko mutilek larunbatean etxean, Urnietaren kontra. Oso partidu berdinduaren ostean, 2-2 bukatzea lortu zuten, Mundarrokoen ustetan «zelaian ikusitakoaren arabera, berdinketa justua».
Partiduaren bila, aurrelariak
Hasiera hasieratik aurrelariek izan zuten giltza; beraien jokoetan ikusi zen partiduaren bila atera zirela, erritmo altua jarriz, gainera. Dena den, kontrol gutxiko partidua izatera eraman zuen horrek, eta hori, etxekoek baliatu zuten, abantaila txikia lortzeko. Atsedenaldirako, ordea, urnietarrek parekatu zitzaizkien.
Bide berdinarekin jarraitu zuen lehiak bigarren zatian; ez batak, ez besteak, partiduaren kontrola lortu ezinik.
Animoak, Urnietara
Ezbehar bat ere izan zen, anbulantzian eraman behar izan zuten Urnietako jokalari bat, eta berari animoak bidali dizkiote: «espero dugu segituan berdegunean ikustea».