Igandean egin zuten urteroko bazkaria Donostialdeako Odol Emaileen elkarteak, eta bertan omendu zituzten zonaldean estrakzio gehien egin dituzten herritarrak. Tartean izan ziren hiru astigartar, bertan diploma eta bereizgarria jaso zituztenak: Susana Aurkia Garayalde, 40 estrakzio egiteagatik; eta Fran Rivero Beristain eta Alfredo Ruiz Fernandez, 50 estrakzio baino gehiago egin izanagatik.
Beste zita bat, etzi
Astigartarrek, gainera, beren hondar-alea jartzen jarraitzeko beste aukera bat izango dute etzi, ostiralean. Astigarragako Odol Emaileen taldeak deituta, 18:30etatik 20:00ak arte izango da odola emateko aukera, anbulategian.