KALE argiztapenaren eraginkortasun energetikoa hobetzeko plangintzaren barruan, Hernaniko Udalak Gartzia Goldaraz eta Sagastialde gune batzuetako argiztapena berritu du.
Hernani Erabakiren parte-hartze prozesuan herritarrek hala erabakita, Gartzia Goldaraz parkeko (txakurrak aske ibiltzeko gunea) eta ondoan dagoen haur parkeko argiteria berritu dituzte udal langileek. Lehengo argi laranjak ordezkatu dituzte led teknologiako luminaria zuriek. Guztira, 14 puntu jarri dituzte. Argi zuriak, hobeto argiztatzeaz gain, uniformitatea ere lortzen da, baita %75eko aurrezpen energetikoa ere.
Argiztapen sistema horren eraginkortasun energetikoa A mailakoa da. Obraren kostea 8.875,06 eurokoa izan da.
Sagastialdeko espazioaren argiztapena ere berritu da. Horretarako, argi-sarea luzatu behar izan dute.
Proposamenen aurkezpena
Hernani Erabaki egitasmoak proposamenak aurkeztuko ditu, 19:00etan, Zikuñagan bihar, Karabelen asteazkenean, Portun ostegunean eta ostiralean Latsunbe Berrin.