Hernaniko errugbi taldeak partidu garrantzitsua jokatuko du gaur, 12:00etan, Landaren, Gernikaren aurka. Laugarren partidua izango du Hernanik etxean lehendabiziko bost jardunalditan eta garaipena lortzea beharrezkoa da urtea ongi amaitzeko.
Gernikak aurtengo denboraldirako fitxaketa mordoa egin du eta argentinarrez jositako talde sendoa osatu dute. Hala ere, garaipena lortzeko aukerarik argienetakoa da. Heineken Ligan partiduak irabaztea, hernanirentzat, ez da erraza eta gaurkoa da aukera horietako bat. Gainera gutxienez lau puntuak lortuz gero salto haundia egingo lukete sailkapenean. Gernika seigarren dago kokatuta eta Hernani hamargarren, baina bien artean bi puntuko aldea besterik ez dago.
Igor Genua selekzioan eta urdaiazpikoa dastatzeko aukera Landaren
Bestetik, Polidori entrenatzaileak ezingo du Igor Genuarekin kontatu. Hernaniko jokalaria Espainiako zazpiko selekzioarekin dago kontzentratuta datorren astean, Elxen, jokatuko duten txapelketari begira.
Hala ere goiz gazi goxoa izango da gaurkoa Landaren profesional bat ariko baita urdaiazpikoa mozten partiduak iraun bitartean eta zaleek jan dezakete.