«Gogoz aritzen den taldea da, eta emaitzak iritsiko dira, pixkanaka»

«Goizegi» iruditzen zaie Eus­kal Ligako arduradunei, den­boraldi honetarako hel­bu­ruak marka­tzea. Alberto Iz­quierdo dute en­trenatzaile, es­trai­ne­koz. Azken lau urtetan utzia ba­zuen ere, 17 bat urte egin ditu entrenatzaile, eta Jon Loranen deiari kasu eginez, Hernaniko nesken taldeko buru jarri da aurten.
Hainbat talderekin ibili da, eta Touring Ohorezko Erre­gio­na­letara igotzea lortu zuen. «Baina aurreneko aldia da nes­kak entrenatzen ditudala. Go­goa banuen. Futbola gus­tuko du­en jendea topatu dut. Oraindik hasiera da, eta nabari da. Baina gogoz aritzen den tal­dea da, eta emaitzak iritsiko dira pixkanaka».
Ane Ibarburu laguntzailea eta Ainitze Rodriguez, ate­zai­nen entrenatzailea ere ados daude. «Oso maila berdindua da hau, baina urte batetik bestera aldaketa haundiak izaten dituena. Aurrena ikusi behar dugu talde guztiak nola dauden, eta gero, helburuak markatzen hasi. Badira lauz­pabost talde gainetik ibiliko direnak, eta gainontzekoen kontra lortu beharko dira puntuak. Baina ez da erraza izango. Hasieran behintzat, sufrituko dugu». Hala ere, Izquierdok argi dauka: «helburu nagusia da, gutxienez, ez jaistea!».

Egokitzapen garaia
Iaz pozik zeuden neskak, klu­bak nesken futbolean aurre­ra­pau­so bat emateko egindako apus­tuarekin. Gorka Alvarez jarri zen entrenatzaile, eta fi­lo­sofia aldaketa ekarri zuen taldera. 
Urtebeteren ondoren, or­dea, berriro aldatu behar izan dute entrenatzailea, Alvarez Re­aleko nesken bigarren tal­derako hartu baitute. Ibar­bu­ru­ren ustetan, «batzuetan, di­na­mikak trabatuta geratzen direnean, ondo etortzen da al­da­keta, baina 2-3 urtez man­ten­tzea ona izaten da, egon­kor­tasun pixka bat lortzeko». Hala ere, ondo moldatuko dira, Rodriguezen esanetan: «Ba­koitzak bere estiloa izaten du. Iaz presio gehiago izan genuen, baloia nola atera enfokatzerakoan, baina aur­ten oraindik ez gara iritsi ho­rrai­no. Izquierdok argi dauka ez duela aldaketa haundirik egingo. «Entrenatzen hasi bezala, gai hauen inguruan hitz egin genuen gure artean, eta aurreko entrenatzailearen norabidean segiko dut. Ba­tzuek garrantzia haun­diagoa ematen diote defentsari, beste batzuk erasoari... Zentzu ho­rretan, ez dut uste aldaketa haundirik nabarituko zutenik. Hori bai, agian beste batzuk ez bezala, nik garrantzia ematen diot prestaketa fisikoari».

«Aurten onena da bi atezain dauzkagula. Historikoki ez zaigu ia inoiz gertatu»

Aldaketen artean, aurten badauka taldeak beste bat ere, Rodriguezek azaldutakoaren arabera. «Aurten onena da bi atezain dauzkagula. Histori­ko­ki ez zaigu ia inoiz gertatu. Hala ere, maila honetan gel­dik has­ten diren jokaldietan atezainak altuera hartzeak diferentzia markatuko luke, baina ho­rretan antzerako dabiltza».

«Ikusiko dugu noraino iritsi gaitezkeen»
Biharko partidua gogorra izan­go dela badakite, talde biz­kai­ta­rrak indartsuak direlako. «Derio goiko postuetan ibiliko dene­tako bat da». Hala ere, au­rreneko buelta bukatu zain daude, «aurkariak non dauden ikusi eta helburuak jartzeko. Ikusiko dugu noraino iritsi gaitezkeen». Taldeak bere bu­ruan konfiantza izatea da gil­tza, eta horri ekingo diote.

Ohorezko Erregionalek eta jubenil nazionalek, etxean

Nagusiak Zarautzen kontra ariko dira gaur; jubenilek bihar, Arenasen kontra.

Ohorezko Erregional mailak hiru postu gorago dagoen Za­rautz hartuko du gaur Zu­bi­pen, 16:30etan. Liga hasiera ho­netan mota guztietako emai­tzak izan dituzte, eta izan dezakete aukerarik pun­tuak etxean mantentzeko. Nazional mailako Oho­rezko Jubenilek, berriz, bihar jokatuko dute 12:30etan Zu­bipen, Arensaren kontra. Pos­tu bat gorago besterik ez dago, eta aukera polita izan daiteke, denboraldiko  hiru­ga­rr­en ga­rai­pena lortzeko.