Hernani Udaleko Zerbitzu Sozialak Lahar elkargoarekin batera, Pertsona helduen jokaera aldaketei aurre egiteko balidabideak ikastaroa antolatu dute. 2010 eta 2014 urteetan ikastaro hau antolatu zen eta gaiak duen garrantzia eta aurreko saioetan bertaratu ziren zaintzaileak emandako baloraketa ona ikusita, berriro antolatzea pentsatu da.
Ikastaroa astelehenetik asteazkena bitarte, urriaren 23, 24 eta 25ean Biteri Kultur Etxean izango da, arratsaldeko 16:30etatik 19:30etara.
Parte hartzeko 943 55 78 54 telefonora deitu edo zerbitzu sozialetako bulegoetatik (Sandiusterri) pasa behar da. Oraindik ere plazak daude eta nahi duena apuntatu daiteke.
Hernanin mendekotasuna duten 325 pertsonen zaintzaileei bidali da ikastaroaren gaineko informazioa.
Helburuak jokabidearen ereduan oinarritutako marko teoriko bat sortzea, adineko pertsona batzuen jokaera ulertzeko da. Portaera trastornoekin erlazionatutako arazoei aurre egitea erraztu nahi da.
Metodologia aktiboa eta parte hartzailea da. Kasu praktikoak erakutsiko dira eta eztabaida, debatea eta konklusioak landuko dira.