Kixkalen pasa den igandean hasi zen Hernaniko Xake txapelketan, lehen jardunaldian irabazi zuten Javier Corral, Roberto Pinilla, Eneko Martiarena, Fernando Esnaola, Iñaki Erdozio eta Ketxus Navascues daude sailkapeneko lehen postuetan, atseden hartu zuten Mikel Zubia eta Iker Mendibilen aurretik.
Hurrengo jardunaldia, bihar urriaren 22an, 16:00etan, jokatuko da Kixkal tabernan. Lehen jardunaldiko irabazleak beraien artean jokatuko dute eta galtzaileek beraien artean. Gainera atseden hartu zutenak ere beraien artean jokatuko dute.
Haurren jardunaldia ere bai
Haurren txapelketa egun, leku eta ordu berean jokatzen da. Hamar gazte ari dira lehian eta bihar bi partida jokatuko ditu bakoitzak. Lehen jardunaldian Julen Martin, Ekaitz Loiarte, Ekaitz Devesa eta Aimar Errazkinek irabazi zuten.