Behin ikasturte berriari hasiera emanda, Mintzalagun egitasmoa jarriko du martxan Astigarragako AEKk, euskeraren erabilera sustatzeko, euskeraz hitz egitea praktikatu nahi duten guztientzat.
Bi aurkezpen egingo dituzte datorren astean, egitasmoaren berri emateko herritarrei: asteartean goizeko 09:30etan, eta ostegunean arratsaldeko 18:30etan; biak, Nabarra Oñatz kaleko lokalean. Izena emateko aukera ere izango da bertan, astigarraga@aek.eus emailean edo 607 610 687 telefonoan.