Bakailu Astearen barruan gaur, Rockalean musika taldeak, Hernaniko kaleak animatuko ditu beraien doinuekin. 19:00etatik 21:00etara ariko dira Kaxkoko kaleetan zehar.
Bestetik, tabernen arteko bakailu pintxo lehiaketa ere, gaur ostiralean bukatuko da, 20:00etan. Ordu horretatik aurrera, antolatzaileek botoen kutxak jasoko dituzte tabernetatik. 23 tabernatako pintxoak ari dira partehartzen lehiaketan. Aurten ez da pintxo bakoitza baloratuko, baizik eta azkeneko egunean onenaren alde emango da botoa folletoetan.