Hernani Eskubaloi Taldeak, bihar, bere denboraldi hasierako aurkezpen jaia egingo du Atsegindegin. Eguerdiko 12:00etan emango diote hasiera egunari, 2017-18ko eskubaloiaren denboraldi berrian parte hartuko duten taldeen aurkezpenarekin.
Horren ondoren, eguerdiko 14:00ak aldera, 200dik gorako pertsonentzako lagunarteko bazkaria antolatu dute Atsegindegin bertan.
Bazkalostean, eta ospakizun jaiari jarraipena emateko, arratsaldeko 16:00etan, gaztetxoek eskubaloiarekin lotura duten jolasak antolatu dituzte, eta ondoren, 18:00ak aldera HETeko jai honetan ohitura bihurtu den bingo saioa izango da.
Hernaniko eskubaloiaren egunari amaiera emateko, iluntzeko 20:00etan, azken sarien banaketa egingo da.