Hezkuntza Eskolak gaur izango du ikasturteko aurreneko saioa, eta bertan haur eta nerabeen sexualitate arloan segurtasunez eskuhartzeko irizpideak azalduko dira. Udaletxeko areto nagusian eskainiko da, arratsaldeko 19:00etan hasita, Nerea Sancho hizlariaren eskutik. Sanchok Arremanitz Kooperatiban lan egiten du, sexologia arloan aditua da, eta Klimak! eta Taupadak! Sexu Hezkuntzako ikasmaterialen egilea da.
Gurasoei laguntzeko, jarraibideak
Hernaniko Hezkuntza Plataformak azaldu bezala, osteguneko saioan Nerea Sanchok modu argian eskainiko ditu, «haur eta nerabeei dimentsio eta ibilbide garrantzitsu honetan laguntzeko, zaintzeko eta modu askatzaile eta arduratsuan erabakiak hartzen laguntzeko oinarrizko jarrera, jarraibide eta ohitura eraikigarriak».