Udara agurtzeko, San Joan Txiki jaiak izaten dira Portu auzoan, eta behin ikasturtea hasita, gehiegi ez desanimatzeko, Portu Eguna antolatzen dute, berriro ere festa giroan murgiltzeko aitzakia izateko. Larunbat honetan izango da.
Jolasak, txapelketa, musika...
Goizean goiz hasiko da festa, 10:30etan, umeentzako jolasekin. Ondoren, 12:00etan, auzotarren arteko patata tortila txapelketa egingo dute; nork bere etxean tortila egin eta entregatu egin beharko du, eta 13:00ean banatuko dira sariak, aurreneko bientzako.
Arratsaldeko 18:00etan, berriz, Bide Batez taldeak zuzendutako erromeria izango da.
Bazkari txartelak, gaur arte
Tartean auzo bazkaria egingo da, 14:30etan, indarrak berreskuratzeko, eta gaur bukatuko da epea txartelak erosteko; helduek 18 euro, eta umeek, 10.