Buruntzaldeako eskolak aldarrikatzeko jaia, gaur

Itxialdiak izenburupean, jaia antolatu dute gaur, Hernanin, Buruntzaldeako eskola komu­ni­tatea aldarrikatzeko, eta lan baldintzak hobetzea eskatzeko. 
LAB, ELA eta Steilas sindi­ka­tuek antolatu dute jaia, Hez­kuntza eraiki, lan baldin­tzak hobetu lelopean, sala­tze­ko irakaskuntza publikoan jasa­ten ari diren lan baldintzen kaxkartzea, murrizketak eta  hezkuntza politika.

Ekintza ugari, Atsegindegin
Atsegindegi plazan izango da, arratsaldeko 17:00etan hasita, eta hainbat ekintza prestatu dituzte. Ekitaldiari sarrera egin ondoren, word kafea izango da, langile eta familientzat, hez­kuntza publikoak bizi duen egoeraz eta etorkizunaz hitz egiteko; eta haurrentzat, tai­le­rrak izango dira, aldi berean.
Gero, 18:30etan hasita, ipuin kontalaria izango da. Ordu erdi beranduago, word kafean ate­ra­tako ideia eta ekarpenak aurkeztuko dituzte. Eta jaia bukatzeko, bertso saioa izango da, 19:20etan. Ez dira faltako kafea, txokolatea eta pastak.