Solidarioak misio konpartituan lelopean, hiru eguneko jardunaldiak antolatu ditu Urumea Harana Pastoral Barrutiak, 2017-2018 kurtso pastoralari hasiera emateko.
Atzo egin zuten aurreneko saioa, Urnietako katekesi aretoan, eta Eliza, non zaude? mahai ingurua egingo dute gaur, Astigarragako Andre Mari elizan, 18:30etatik 20:00etara. Parte hartuko dute Caritasek, Gizarte Ongintzak, Errumaniarren kanpamenduan gauzatu zen Romi Bidean proiektuko gizarte eragileek, Espetxe Pastoraltzak...
Caritaseko lokalen inaugurazioaz ere ariko dira, kultura une bat egingo dute, Mikel Goenaga zena omenduko dute, eta pintxoak ere jarriko dituzte.
Jardunaldien azkeneko saioa bihar izango da, Hernaniko katekesi aretoan, 18:30etatik 20:00etara hori ere: Misio konpartituan diharduen eliza.