Bixita berezia izango da ostegun honetan Biterin, Hernani’n Musik egitasmoaren barruan. Xabi San Sebastian abeslari eta gitarjole donostiarrak eskainiko du kontzertua, eta bertan aurkeztuko du Zuhaitzak ez du beldurrik, bere diska berria. Iluntzeko 20:00etan izango da, kultur etxeko areto nagusian.
Sarrerak, salgai
Dagoeneko salgai daude San Sebastianen doinuekin gozatzeko sarrerak 7 euroan, baina irakurleen artean, hiru sarrera bikoitz zozketatuko ditu Kronikak, Udalaren Kultura sailarekin elkarlanean.
Edonorrek hartu dezake parte zozketan; horretarako bi aukera izango dira: gaurko Kronikan, albiste honen azpian, argitaratuko den fitxa bete eta Kronikaren bulegoan entregatzea, edo Facebookeko albistea elkarbanatu eta iruzkin bat egitea. Asteazken arratsaldean egingo da zozketa, 20:00etan.