Urte beroa izan zen aurreko urtekoa eskola komunitatearentzat. Hainbat greba egun izan zituzten, eta aurten ere, ildo beretik jarraitzeko asmoa plazaratu dute urte hasieratik. Programatuta dagoenaren arabera, azaroan zehar izango dira greba guztiak; ostegunero eskola komunitatearen parte den sektore batek egingo du, eta ondoren, abenduaren 12an izango da komunitate osoaren greba.
Buruntzaldeako festa, Atsegindegin
Mugimendu horren bueltan, ordea, beste hainbat ekintza ere egingo dira. Aurrenekoa asteazken honetan izango da; aldarrikapen jaia egingo dute Atsegindegin, ELA, LAB eta Steilas sindikatuek deituta. Eskolatik aterata izango da, arratsaldeko 17:00etatik aurrera.
Lan baldintzak hobetu, hezkuntza eraiki! lelopean antolatu dute festa aipatutako sindikatuek, eta denetik izango da horretarako: ipuin kontalaria, bertsolariak, work kafea, marrazkiak egiteko aukera...