Hogeitalaugarren aldiz eta eguraldia lagun zutela, herria alaitzen aritu ziren Euskal Herri osotik etorritako albokariak, egun osoan zehar. Taldeka ibili ziren aurrena, eta denak batera, ondoren, Albokaldian.
Bidaia taldearekin agurra, gaur arratsaldean
Baina atzokoak ez dio Alboka Topaketari bukaera eman; izan ere, jardunaldia borobiltzeko, kontzertu berezia antolatu dute. Bidaia taldearen emanaldia izango da, arratsaldeko 18:30etatik aurrera, Milagrosako kaperan.
Caroline Phillips, Mixel Ducau, Matthieu Haramboure eta Fred Faurek osatzen duten taldeak Hitza, bere azken diska, aurkeztuko du, eta hala emango zaio bukaera hogeitalaugarren Alboka Topaketari.