Behar bereziak dituzten haurren gurasoen elkartea da Pausoka, urte osoan zehar bere seme-alaben integrazioaren alde lan egiten duena. Egunerokoa da haien lana, baina gizartea sentsibilizatzea ere bilatzen dute. Horretarako ospatzen dute, urtero, Pausoka Eguna, gaurkoan Urnietan egingo dutena.
Goizeko 11:00etatik aurrera, Iparlateko aparkalekua gaztetxo eta helduez beteko dute «helburu on batengatik». Arratsaldera arte denetarik izango da: jolasak, ikuskizunak, paellada...
11:00, Pausoka egunaren irekiera Kepa Gordoren etorrerarekin eta bere Pausokaren aldeko Gipuzkoako itzuliarekin. Aurreskua Jone Izagirrerekin eta Egape Dantza Taldearekin.
11:30, Tailerrak: kirol egokitua, aurpegien marrazketa, eskulanak, DJa, graffitiak, idazkera txinatarra...
14:00, Tailerren itxiera eta paellada.
16:30, Ikuskizunak: El coro de los colores, Oliver Nestar Eureka Dance taldearekin, Go!azen.
18:30, Porrotxen emanaldia. Pausoka Egunaren amaiera heliozko globoak askatuz.
*Egun osoan zehar, globo aerostatikoa eta sarbide askeko jumpinga izango ditugu.
*Ikuskizunerako eta paelladarako tiketak salgai, 5 euroan.