Asteburu musikatua, alboka doinuak tartean

Beste urte batez, eta hau da 24garrena, albokariek zita be­rezia izango dute asteburu ho­netan Hernanin. Izan ere, la­runbata eta igandean egingo du­te, hain zuzen, urteroko to­pa­keta. Goizeko 11:30etan ha­si­ta, alboka doinuek zipriztin­du­ko dute herriko Kaxkoa, ete­nik gabe, iluntzera arte.
Albokariek, gainera, beste hainbat musikarien laguntza izango dute.

Albokaldia, eguerdian
Udaletxeko arkupeetan egingo dute aurreneko topaketa, la­run­­batean; goizeko 11:30etan, al­bokari, panderojole eta albo­ka­zaleek egingo dute bat ber­tan. Ondoren, Kaxkoan zehar egingo dute kale buelta alboka taldeek, eta eguerdiko 13:00e­tan izango dute zita nagusia: Albokaldia. 
Tilosetan (edo Atse­gin­de­gin) eskaini­ko dute emanaldia Araba, Biz­kaia, Gipuzkoa, Ipa­rralde eta Na­farroatik etorri­tako albo­kari taldeek. Bertan izango da, baita ere, alboka egileen azoka. Santa Barbara elkartean bazkalduko dute, eta arratsaldez, kale buelta errepikatuko dute, taldeka.

Igandean, Bidaia taldea
Aurtengo 24garren edizioa m­o­du berezian bukatuko dute, Bi­daia taldearen kontzertua­re­kin. Arratsaldeko 18:30etatik aurrera aurkeztuko dute Hitza diska berria, Milagrosako ka­perako emanaldian.