Herenegun Udalaren babesa publiko egin ostean, herritarren babesa bilatzeari ekingo diote orain Retinosis Gipuzkoa Begisare elkarteko kideek. Bide horretan, Ikusmen Murriztua Dut bereizgarriaren eta kanpaina osoaren berri emateko hitzaldia eskainiko dute gaur, arratsaldeko 19:00etan hasita, Biterin.
Duela lau urte, bereizgarria
Helburua, beraz, herritarrengana iristea izango da, izan ere, Amaia Guereñu elkartearen ordezkariak aurkezpenean azaldu zuenez, «askotan jendearekin gaizki ulertuak izan ohi dira, gizartean zabalduta dagoen ustea delako ‘ikusten duzu edo itsua zara’». Eta berak dioenez, askotan ez da hala, ikusmen murriztua izatea da «pixkanaka ikusmena galtzea, itsu geratu arte», eta horrelako kasuetan, «ez duzu ezer adierazten, beraz, nola ulertuko dira nire jokabideak?».
Testuinguru horretan sortu zuten bereizgarria, bi asmorekin: «giza interakzioa hobetzea eta sentsibilizazioa».