Erremonteko saski eta pelotak egiteko tailerra, Bulebarrean

Eskualdeen Txokoa, ekimen berria jarri du martxan Explo­re San Sebastian Region Bule­barreko turismo-bulegoak, eta aurreko asteazkenetik datorren igandera arte, Donostial­dearen txanda izaten ari da.
Ekimen hori prentsaurrean aurkeztu zuten aurreko os­tegunean, eta bertan izan zi­ren Maite Cruzado, Gipuz­koa­ko Fo­ru Aldundiko Turis­mo zuzendaria; Ainhoa Amun­da­rain, Do­nos­tialdea eskualdeko tu­ris­­­mo arduraduna; eta Jon Zu­lu­eta, Beterri-Buruntzako pre­sidentea eta Andoaingo zinegotzia.

Larunbatean, artisau-tailerra Bulebarrean
Eskualdeko Txokoa ekimena ja­rri du martxan Kultura, Tu­ris­mo, Gazteria eta Kirola de­par­tamentuak «Gipuzkoako es­­­­­­ku­­aldeetako herriak eta tu­rismo baliabideak ezagutzera ema­teko helburua izanik, bai hiriburuko turismo sektoreari, baita, oro har, Donos­tia­ko eta Gi­puzkoako biztanleei, bai­ta Explore San Sebastian Region turismo bulegora gerturatzen diren turistei ere», azaldu zu­ten bertan.
Horren bueltan, aste honetan zehar izango da Her­nani eta inguruko herrien txan­da: «ber­tako tu­ris­mo es­kaintza ber­­tatik bertara ezagutzeko au­kera izango da». Ekintza bereziak ere egingo dituzte asteburuan; larunbatean izango da Hernaniren txanda: Galarreta frontoiak erremonteko saski eta pelotak egiten ikasteko artisau-tailerra egingo du Bu­le­barrean. 
Eta igandean, Astigarra­gako Sagardoetxeak sagardoaren elaboraziorako prozesua azalduko dute, bertatik bertara, familia osoarentzat.