Ez dituzte emaitza onenak lortu pelotari hernaniarrek, asteburu honetan, Gipuzkoako Txapelketan. Seniorretan bai, garaipena lortu zuten Ojuelek eta Aizpitartek ohorezko mailan, eta Urkizuk eta Labakak 1go mailan, semifinaletara sailkatzeko aukerak mantenduz biek. Aldiz, aurreneko porrota jaso zuten, eta gogorra, Arizmendik eta Insaustik, txapela irabazteko faboritoen kontra (2-22). Baina larriena, Salaberria eta Zugastirena izan zen: ostegunean entrenatzen min hartu zuen Zugastik belaunean, ezin izan zuten partidura azaldu, eta litekeena da txapelketa utzi behar izatea, orain arteko denak irabazita zirenean.