Pobreziaren Aurkako Nazioarteko Eguna izango da urriaren 17a, eta horren harira, azoka solidarioa jarriko du gaur, Kaleko Elkartasun eta Kultur Elkarteak. Plaza Berrin izango da, goizeko 10:30etatik 14:00etara bitarte, eta bertan, 1.000tik gora liburu, CD eta binilozko disko jarriko dituzte eskuragarri; «guztiak, prezio eta egoera onean», elkartetik aurreratu dutenez.
Gainera, erosteko bakarrik ez, herritarrek aukera izango dute, baita ere, erabiltzen ez dituzten liburu eta diskoak eramateko: «aukera ona da, baztertuta dauzkagun liburu eta diskoei irteera bat emateko. Kontutan izan behar dugu, horiek eramanez, behar gehien dauzkatenei laguntzen ari garela», nabarmendu dute.