Sagardoetxeak tailerra bihar zortzi, Explore San Sebastian Regionen Eskualdeen Txokoan

Ekimen berria jarri du mar­txan Donostiako Bulebarrean dagoen Explore San Sebastian Region turismo bulegoak, eta hilaren 15era arte, Donostial­dea eskualdeak izango du protagonismo osoa. Ekimena aurkezteko, turismo bulegoaren parean elkartu ziren herenegun Maite Cruzado, Gipuz­koako Foru Aldundiko Turismo zuzendaria; Ainhoa Amunda­rain, Donostialdea eskualdeko   turismo arduraduna; eta Jon Zulueta, Beterri-Buruntzako presidentea eta Andoaingo zinegotzia.

Donostialdeako txanda, hilaren 15era arte
Eskualdeko Txokoa ekimena ja­rri du martxan Kultura, Tu­ris­mo, Gazteria eta Kirola de­par­tamentuak «Gipuzkoako es­­­­ku­aldeetako herriak eta turismo baliabideak ezagutzera ema­teko helburua izanik, bai hiriburuko turismo sektoreari, baita, oro har, Donos­tia­ko eta Gi­puzkoako biztanleei, bai­ta Explore San Sebastian Region turismo bulegora gerturatzen diren turistei ere», azaldu zu­ten prentsaurrekoan.
Aste honetan zehar, eta hila­ren 15era arte, Donostial­dea­ren txanda izango da, eta be­­raz, «As­tigarraga, Hernani, An­do­ain, Lasarte-Oria, Urnieta eta Usur­bilgo udalerrietako tu­ris­mo eskaintza bertatik bertara ezagutzeko aukera izango da».
Tartean, bi ekintza burutuko dira turismo bulegoaren parean, datorren asteburuan biak. Gaur zortzi, larunbatean, Gala­rre­­tako frontoiak erremonte-mo­­dalitaterako saski eta pelotak egiteko artisau-tailerra bu­ru­­tuko du. Eta igandean, bihar zortzi, Sagardoetxeak hartuko dio lekukoa; sagardoaren usadiozko elaborazioa ezagutu, sa­garrak kizki bitartez bildu, pi­so­iez jo eta sagarrak txikitu eta prentsatzeko tailerra eskainiko du.

Beste ekintzen berri, ere bai
Horrez gain, eskualdean datozen asteetan burutuko diren ekintzen berri ere eman zute: Sagastitik Kupelera ekimena, Bakailao Astea...