Liga hasierari neurria hartzen jarraitu nahi dute asteburuan, CD Hernaniko futbol taldeek. Nazional mailako Ohorezko Jubenilek, Logroñesen kontra aurreneko garaipena lortuta, ildo horri eutsi nahiko diote bihar, 12:30etan Iruñan, San Juanen kontrako partiduan. Gaur, berriz, Emakumezkoen Euskal Ligako taldeak Elorrioren kontra jokatuko du Zubipen, 18:30etan, Ligako aurreneko garaipena lortzeko saiakeran. Azkenik, Erregionalen Ohorezko taldeak ere etxean jokatuko du gaur, 16:30etan, Urola, azken sailkatuaren kontra.