Gipuzkoako Txapelketako laugarren jardunaldiko partiduak ari dira jokatzen aste honetan, pelotari hernaniarrak. Ostegun eta ostiralean jokatu zituzten aurrenekoak, eta gaur eta bihar, beste 8 partidu izango dituzte; horietatik, sei, Hernanin.
Bestalde, Gartzaron Txapelketako bi partidu ere izango dituzte: gaur, 16:30etan, Jon Jara-Oinatz Insausti, Egiguren-Ibarluzearen kontra; eta bihar, 12:00etan, Arizmenditarrak, Osa-Mariezkurrenaren kontra.
Sei etxean, asteburuan
Etxean sei partidu jokatuko dituzte hernaniarrek asteburuan, Gipuzkoako Txapelketan.
Gaur, goizeko 10:30etan ariko dira Urkizu eta Labaka, nagusietan, Soraluzeren kontra, eta 11:00etan jarraituko dute Lazkano eta Berasartek, Oiarperen kontra. Uitzi eta Oiartzabal kadeteek jokatuko dute gero, Ilunperen kontra.
Arratsaldeko 16:30etan, berriz, Urra eta Larrañaga jubenilak ariko dira, Mundarroren kontra, eta segidan, Salaberria eta Zugasti, Aloña Mendiren kontra. Herniarrek ez dute partidurik galdu orain arte.
Azkenik, bihar, 10:30etan, Albeniz eta Lasa kadeteek Gure Txeru izango dute aurkari.
Herritik kanpo, berriz, gaur 11:00etan Loiolan ariko dira Izurun eta Tejedor kadeteak, Perurenaren kontra, eta 16:30etan Zegaman, Ojuel eta Aizpitarte. Hauek Tartaloetxeri irabazi egin beharko diote, finalaurrekoetara pasatzeko aukera mantendu nahi badute. Lehia bizi eta polita espero da.