pozik ikusten dira Hernani Gimnastika Klubeko ikasleak, eta baita horiek gidatzen aritzen diren 6 entrenatzaileak ere.
Guztira 123 ikasle ari dira aurten: gimnasia erritmikoari dagokionez, 103 neska-mutil; eta akrosport edo gimnasia akrobatikoari dagokionez, beste 20.
Gimnasia erritmikoaren kasuan, adin guztietako neskak ari dira; 5 urtetatik hasi, eta senior mailara arte. Eta pasa den ikasturtean hasi zen mutilak ere hortxe jarraitzen du, erabat gogotsu lanean. Aurten, gainera, lehiaketatan parte hartzen hasi da; bai banaka, eta baita taldean ere.
Txikienen entrenatzailea den Eiderrek Kronikari azaldu ahal izan dioen bezala, «ondo pasatzera» joaten dira ikasle gazteenak, hau da, «kirolari gustua hartzera». Nagusiagoen helburua, aldiz, senior mailara iristea da. Izan ere, ikasleak adinean gora doazen neurrian, ikasketak direla medio, zailagoa izaten omen da aurrera jarraitzea.
«Lan asko eskatzen duen kirola» dela kontatu digu Eiderrek, eta entrenamenduetara joatea ezinbestekoa dela. Malgutasuna eta fisiko ona izatea ere garrantzitsua da, eta baita itxura ona mantentzea ere.
«Ondo pasatzera joaten dira ikasle gazteenak, hau da, kirolari gustua hartzera»
Gimnasia akrobatikoan,
gero eta gehiago
Proba modura, iaz 4 neska-mutil hasi ziren gimnasia akrobatikoan. Aurtengo taldea 20 ikaslerekin itxi da, eta datorren ikasturtera begira talde gehiago sortzea espero da.